Сарала студенттар, мәктәп уҡыусылары, китапханасылар ҡатнашты. Конференцияла китап авторы - Башҡортостан Республикаһының халыҡ яҙыусыһы, Рәсәй Федерацияһының һәм Башҡортостан Республикаһының атҡаҙанған мәҙәниәт хеҙмәткәре, Салауат Юлаев исемендәге дәүләт премияһы лауреаты, Рәсәй Президентының әҙәбиәт һәм сәнғәт өлкәһендәге премияһы лауреаты һәм бик күп әҙәби премиялар лауреаты Камил Фәрухшан улы Йыһаншин ҡатнашты.
«Хождение к Студеному морю» романы уҡыусыларҙа ҙур ҡыҙыҡһыныу тыуҙырҙы. Роман ҡыҫҡа ғына ваҡыт эсендә Рәсәйҙең өс әҙәби премияһын алды.