Туймазыла водитель ҡатын-ҡыҙ юл-транспорт ваҡиғаһынан һуң машинала бикләнеп ҡалған

37 йәшлек ҡатын автомобилдә Туймазы-Бәләбәй юлы буйлап Ғәфүр ауылы яғына барған. Ниндәйҙер мәлдә ул идара итеү һәләтен юғалтып, юл ситенә төшөп киткән.

Водитель автомобилдән үҙаллы сыға алмаған - машина ишеге бикләнгән. Уға ярҙамға зона эҙләү-ҡотҡарыу отряды хеҙмәткәрҙәре килгән. Улар ҡатынды  машинан сығарып, уны табиптарға тапшырған.