Туймазыла бер мәктәп 20 миҙалсы сығарҙы

Туймазы районында сығарылыш балдары үтте. 357 сығарылыш уҡыусыһының 99-ы уҡыуҙағы уңыштары өсөн миҙалдар алды. Был уҙған йылға ҡарағанда күпкә күберәк, ул саҡта 78 миҙалсы булған.

Быйыл иң күп миҙалсыларҙы Туймазының 4-се мәктәбе сығарҙы. Унда 73 кеше мәктәпте тамамланы. Ә миҙалдарға 20 кеше лайыҡлы булды – был райондың бөтә миҙалсыларының биштән бер өлөшө!

I дәрәжә «Уҡыуҙағы айырым уңыштары өсөн» миҙалын алғандарҙың береһе – Тимур Зәйнуллин.

- Мин мәктәптә ун йыл уҡығанда өлгәшкән һөҙөмтәләрҙән ҡәнәғәтмен. Әммә БДИ-ның бөтә йомғаҡтары менән дә ҡәнәғәт түгелмен. Киләсәктә иң кәрәкле информатика буйынса 95 балл йыйһам да, - тип уртаҡлашты миҙалсы. - Һәр хәлдә һайлаған юғары уҡыу йортона инергә өмөтләнәм. Һәм беҙҙе мәктәп йылдарында уҡытҡан бөтә уҡытыусыларыма бик рәхмәтлемен. Беҙ һынатмаясаҡбыҙ!

2-се мәктәптә лә шундай уҡ яҡшы һөҙөмтәләр. Унда 22 сығарылыш уҡыусыһының бишеһе – миҙалсылар.

Мәктәптәрҙә белем биреү сифатын күтәреү Рәсәй президенты Владимир Путин инициативаһы буйынса тормошҡа ашырылған «Йәштәр һәм балалар» милли проектының бурыстарын үтәүгә булышлыҡ итә.