+15 °С
Облачно
Общество
8 Июня , 09:16
Ләйсән Үтәшева өләсәһенә ҡунаҡҡа ҡайтҡан
Рәсәй гимнасткаһы һәм телевидение алып барыусыһы Ләйсән Үтәшева Башҡортостандың Әлшәй районында йәшәгән Зөбәржәт өләсәһендә ҡунаҡта. Өфөлә уҙған бизнес-фестивалдә сығыш яһағандан һуң тыуған яҡтарына ҡайтҡан.
Ләйсән Үтәшева өләсәһенә ҡунаҡҡа ҡайтҡан
«Өфөләге форумдан һуң ҡайҙа юл тотҡанымды аңланығыҙмы? Әлбиттә, нәнәйемә. Минең капиталым», — тип яҙа Үтәшева.
Яҡташыбыҙ мул һыйлы аш өҫтәленә айырым видео бағышлаған.
— Ниндәй ризыҡтар яратҡанымды һеҙгә лә күрһәтәйем әле. Һурпа, йылҡы ите, түтәлдән өҙөп алынған һуған һәм яратҡан ҡымыҙым — ысын, Раевка ҡымыҙы. Был реклама түгел, әммә бына шул тәмле.
Ләйсән Үтәшева интервьюларының береһендә Раевкала йәшәгән олатаһы-өләсәһенә йыш ҡунаҡҡа ҡайтыуы хаҡында әйткәне бар (олатаһы 2025 йылда донъя ҡуйған). Яҡташыбыҙ уларҙың йортон көс алыу урыны тип атай.
Ләйсән Үтәшева өләсәһенә ҡунаҡҡа ҡайтҡан
