+28 °С
Облачно
Общество
11 Февраля , 09:23
Башҡортостанда йәшәүселәр ғаилә түләүен алырға мөмкин
2026 йылда социаль ярҙам системаһында төп яңылыҡ – ғаилә түләүҙәре башланыуы, тип иҫкә төшөрҙө Башҡортостандың ғаилә һәм хеҙмәт министры Ленара Иванова. Льгота эшләп йөрөгән, ике һәм унан күберәк балаһы булған ата-әсәләргә бирелә.
Башҡортостанда йәшәүселәр ғаилә түләүен алырға мөмкин
Ғаиләнең йән башына уртаса килеме төбәктә йәшәү минимумының 1,5 тапҡырлыҡ күләменән артмаған, ә мөлкәте билдәләнгән мохтажлыҡ критерийҙарына тап килгән осраҡта, ғаилә түләнгән 13% һалым аҡсаһының (НДФЛ) бер өлөшөн кире ҡайтара ала.
Быйыл республикала йән башына йәшәү минимумы 16 856 һум тәшкил итә. 1,5 тапҡырлыҡ күләм – ғаилә ағзаһына 25 824 һум. Ата-әсәләргә түләнгән 13% НДФЛ-дың 7% кире ҡайтарыла.
Шарттар түбәндәгесә. Балаларҙың йәше – 18-гә, әгәр ҙә юғары уҡыу йортонда көндөҙгө бүлектә уҡыһа, 23 йәшкә тиклем булырға тейеш. Ата-әсәләрҙең рәсми эшләүе (йәғни НДФЛ түләүе) мотлаҡ. Уларҙың алимент буйынса бурыстары булмауы ла иҫәпкә алына.
2025 йылға ғаилә түләүен алыу өсөн ғаризаларҙы ағымдағы йылдың июнь-октябрь айҙарында бирергә мөмкин.
Башҡортостанда йәшәүселәр ғаилә түләүен алырға мөмкин
