Башҡортостанда йәшәүселәрҙе милли кейем фестивалендә ҡатнашырға саҡыралар

Башҡортостанда йәшәүселәрҙе милли кейем фестивалендә ҡатнашырға саҡыралар

«Урал мираҫы» төбәк-ара милли кейем фестиваленә ғаризалар ҡабул ителә. Был сара илебеҙ оҫталарын, дизайнерҙарын һәм милли мәҙәниәт һөйөүселәрен берләштерә.
2026 йылда конкурс номинациялары: этнографик костюм, стилләштерелгән милли костюм, заманса автор костюмы, аксессуарҙар һәм биҙәүестәр (традицион аксессуарҙар – реконструкция һәм күсермәләр, заманса автор биҙәүестәре).

– Конкурста ҡатнашыу тарих һәм халыҡ кейемен тегеү буйынса эксперттарҙың профессиональ семинарҙарында һәм оҫталыҡ дәрестәрендә ҡатнашыу мөмкинлеген бирә. Еңеүселәр уникаль наградаларға, үҙ эштәрен төбәк һәм федераль кимәлдә күрһәтеү, шулай уҡ профессиональ бәйләнештәрҙе киңәйтеү мөмкинлегенә эйә була, – тип хәбәр итә ойоштороусылар. – Бергәләп традицияларҙы һаҡлайбыҙ һәм милли кейемдең киләсәген төҙөйбөҙ.

Ғаризаларҙы 28 февралгә тиклем тапшырырға кәрәк. Ситтән тороп һайлап алыу – 16-20 мартта, эштәрҙе яҡлау 18 апрелдә «Домна» креатив кластерында була. Гала-концерт һәм еңеүселәрҙе бүләкләү сентябрь айына тәғәйенләнгән. Ҡатнашыу бушлай.