Урал Килсенбаев — Башҡортостан премьер-министрының беренсе урынбаҫары

Республика менән идара итеү үҙәгендә уҙған хөкүмәттең оператив кәңәшмәһендә Башҡортостан Башлығы хөкүмәттә һәм үҙенең хакимиәтендә кадрҙар алмашыныуы тураһында хәбәр итте. Урал Килсенбаев Башҡортостан премьер-министрының беренсе урынбаҫары итеп тәғәйенләнде. Әлегә тиклем был вазифаны Азат Бадранов биләне, хәҙер ул — республика Башлығы хакимиәте етәксеһенең беренсе урынбаҫары.

«Урал Килсенбаев Азат Бадранов башҡарған эш өсөн яуаплы. Мин икегеҙгә лә уңыштар теләйем. Был өлкәлә хәл итәһе мәсьәләләр күп», - тип билдәләне Радий Хәбиров.

https://www.bashinform.ru/news/politics/2024-04-15/ural-kilsenbaev-naznachen-pervym-zamestitelem-premier-ministra-bashkirii-3727644