Театр тышҡы күренештән башлана

Хәҙер бинаның тышҡы яғы буяла, һуңыраҡ төп һәм өҫтәлмә ишектәр алыштырыласаҡ, бина алдындағы майҙансыҡҡа яңы асфальт түшәләсәк.

Бынан тыш, театрҙа мәрмәр баҫҡыстың бер өлөшө алыштырыласаҡ, йылылыҡ, һыу тәьминәте һәм канализация системаларын ентекле ремонтлау теүәлләнеп килә. Тамаша залы халыҡты яңы уңайлы ултырғыстар менән ҡаршы ала-саҡ. Быға федерация бюджетынан “Бәләкәй ҡалалар театрҙары” программаһы буйынса бүленгән аҡсаны һаҡ тотоноу һөҙөмтәһен-дә ирешелгән. Ҡуйы зөбәржәт төҫөндәге япмалар шаршауға тура килтереп һайланған, стеналарҙың күкһел төҫө иһә тыныслыҡ һәм уңайлылыҡ мөхите тыуҙыра. Сәхнәнең яңы дизайны ла үҙенсәлекле. Башта ҡара төҫ ғәжәпләндерә, әммә рампалар ҡабынғас, нәҡ ҡара төҫ тамашасының бар иғтиба-рын актёрҙарға һәм сәхнәләге күренештәргә йүнәлтергә, үҙ-ҙәрен спектаклдең бер өлөшө итеп тойорға мәжбүр итә.

– театрҙа ентекле ремонт үткәреүгә республиканың мә-ҙәниәт һәм сәнғәт ойошмаларын үҙгәртеп ҡороу программаһы ярҙамында ирешелде, – ти Фирзәт Фәрит улы.

Яңы миҙгелдә тамашасыларҙы инде яратып өлгөргән тамашаларынан ҡала, Мостай Кәрим пьесаһы буйынса ”Ауыл адвокаттары”, Туфан Миңнуллин-дың “Әлдермештән Әлмәндәр” премьералары көтә. Театрға мөкиббәндәр яңырылыштарҙы лайыҡ баһалар тип ышанабыҙ, улар киләһе йылға ла дауам итәсәк. Ниндәй? Әлегә сер булып ҡалһын.