Кесаҙна, 10 августа, Әгертамаҡ-Ҡандры автомобиль юлында булған аварияла Туймазы районынан 57 йәшлек ҡатын зыян күргән.
Асыҡланыуынса, «Лада Гранта» автомобиле руле артында ҡатын Аҙнағол ауылы яғынан Ҡандра ауылына китеп барған. Ул автомобиль менән идара итеүҙе юғалтып, юлдан кюветҡа осҡан. Автомобиль юлдан тәгәрәп сыға. Авария һөҙөмтәһендә ҡатын төрлө йәрәхәттәр алған һәм дауаханаға оҙатылған.