Иҫке Туймазы ауылында Йылға урамындағы дүрт йортта йәшәүселәр яңы аллея ултыртты

- Ҡасандыр был урында беҙ балаларыбыҙҙың ялы өсөн уйын майҙансығы йыһазландырҙыҡ. Әммә сабыйҙар үҫеп етте, ә хәҙер беҙ йәшел аллея ултыртырға булдыҡ, - ти энтузиастар Илфир Шафиҡов һәм Венер Мөхәмәҙиев.

- Аллеяға исем бирмәнек әле. Әммә уның Бөйөк Ватан һуғышында еңеү менән бәйле буласағын беләбеҙ. Сөнки беҙҙең ауылдан фронтҡа 310 кеше киткән, ә яртыһы ғына ҡайтҡан, шул уҡ ваҡытта уларҙың күбеһе һуғыш тамамланғандан һуң тәүге йылдарҙа фронт яраларынан вафат булған, - ти Иҫке Туймазы ауылы мәҙәниәт йортоноң мәҙәни-күмәк ял буйынса менеджеры Әлмира Ғәлиева.