Туймазы эшҡыуары “Йыл һалым түләүсеһе " конкурсы призеры булды

Өфөлә «Йыл һалым түләүсеһе» республика конкурсы үтте. 2024 йылда конкурс йомғаҡтары буйынса 61 һалым түләүсе, шул иҫәптән 57 ойошма һәм 4 шәхси эшҡыуар еңеүсе тип танылды.

«Бәләкәй эшҡыуарлыҡ субъекттары» категорияһында Туймазынан шәхси эшҡыуар Әлфиә Хәмзин ҡыҙы Мөхөтдинова II дәрәжә диплом алды. Награданы Туймазыға Башҡортостан Республикаһы Хөкүмәте Премьер-министры вазифаһын башҡарыусы Андрей Назаров тапшырҙы. Әлфиә Хәмзин ҡыҙы улы Роберт һәм ҡыҙы Юлия менән бергә «Language School» инглиз телен өйрәнеү буйынса үҙәген етәкләй, унда шулай уҡ «Технобикс» мәктәбе уңышлы эшләй.