“Журналистика оҫтаханаһы” Йәрмәкәй районында үтте

Сарала Бәләбәй, Октябрьский, Туймазы, Дәүләкән, Әлшәй, Миәкә, Бишбүләк һәм Йәрмәкәй райондары гәзит редакциялары вәкилдәре, шулай уҡ «Башҡортостан Республикаһы» нәшриәт йорто, БР журналистар Союзы һәм Йәрмәкәй районы хакимиәте хеҙмәткәрҙәре ҡатнашты.

Журналистар өсөн бай программа әҙерләнгән ине. Рәсәй журналистар Союзы секретары, «Журналистика һәм медиарынок» журналының баш мөхәррире Владимир Касютин баҫмаларҙың үҙенсәлектәре тураһында һөйләне. Тәжрибәле спикер билдәләүенсә, фотоларҙа график сүп-сар түгел, ә кешеләр булырға тейеш.

Билдәле журналистар Зөһрә Сәйетҡолова, Станислав Шахов, Дарья Касьянова Һәм Азамат Абдрафиҡов гәзин, сайттар һәм социаль селтәрҙәр өсөн ҡыҙыҡлы һәм үҙенсәлекле контент булдырыу тураһында белемдәре менән уртаҡлашты.

Профессиональ фотограф Алексей Тулинов ябай смартфонға сифатлы фотолар төшөрөү серҙәрен асты.

Сара барышында «Башҡортостан Республикаһы» нәшриәт йортоноң һәм БР журналистар Союзының почет грамоталары «Туймазы хәбәрҙәре» хәбәрселәре Гүзәл Хәмиҙуллина менән Диана Нәсибуллинаға тапшырылды.

"Журналистика оҫтаханаһы: сайт, социаль селтәрҙәр һәм принт" проекты Башҡортостан Республикаһы Башлығы Гранттары фонды ярҙамында Башҡортостан Республикаһы Башлығы грантына тормошҡа ашырыла.

Елена Петрова фотолары.