Музыкалы Белем көнө

2024 йылдың Белем көнө Октябрьский халҡы өсөн тарихи ваҡиғалар менән иҫтә ҡаласаҡ — ниһайәт, оҙаҡҡа һуҙылған капиталь ремонттан һуң ҡаланың музыка колледжы үҙ ишектәрен асты.

Был матур тантанала Башҡортостан Республикаһы Башлығы Радий Хәбировтың шәхсән ҡатнашыуы айырыуса ҙур ваҡиға булды.
1953 йылда төҙөлгән Юрий Гагарин исемендәге элекке техника йорто бинаһы мәҙәни мираҫ объекттары исемлегенә инә. Уны «Мәҙәниәт» ил күләмендәге проект сиктәрендә модернизацияланылар.
Республика Башлығы Белем көнөнә бағышланған тантаналы линейкала ҡатнашты һәм яңыртылған уҡыу кабинеттарына уҙҙы. Колледж директоры Илдар Хажиев 2024 йылда мәғариф учреждениеһының 55 йыллыҡ юбилейын билдәләп үтеүе тураһында һөйләне. Был ваҡыт эсендә бында ике меңгә яҡын йәш белгесте уҡытҡандар, улар сәнғәт оҫталары, конкурстар лауреаттары һәм атҡаҙанған мәҙәниәт хеҙмәткәрҙәре булғандар.

— Беҙҙең колледж яҡын‑тирәләге 10 райондың музыка мәктәптәре өсөн методик үҙәк булып тора, — тип билдәләп үтте Илдар Хажиев. — Уҡыу йортонда барлығы 77 педагог ҡулы аҫтында 170 студент шөғөлләнә, ситтән килгәндәр өсөн 100 урынлыҡ дөйөм ятаҡ бар.
Башҡортостан Башлығы хор йырлау һәм төркөм дәрестәрендә булды, ул унда автограф ҡалдырҙы һәм ксилофонда уйнап күрһәтте. Төбәк етәксеһе шулай уҡ кесе һәм хореография залдары, буфет һәм китапхана менән танышты, маҡтаулы ҡунаҡтар китабына теләктәрен яҙып ҡалдырҙы.
Белем көнөнә бағышланған байрам концерты ваҡытында республика Башлығы колледж студенттарын яңы уҡыу йылы башланыу менән ҡотланы һәм уҡытыусыларға дәүләт бүләктәре тапшырҙы.

Башкортостан башлығы Радий Хәбиров: — Октябрьский музыка колледжына ағымдағы йылда 55 йыл тула. Бында республикабыҙҙың музыкаль һәм сәнғәт элитаһы әҙерләнә. Бының өсөн барлыҡ уҡытыусыларға ла ҙур рәхмәт. Октябрьскийға килгәндә мин һәр ваҡыт рәхәтлек тоям. Ҡала эре сәнәғәт үҙәге булып тора, бында уңыштарға ирешеүсе тырыш кешеләр йәшәй. Спорт инфраструктураһы ла үҫеш юлында. Беҙ киләсәктә лә бергәләп үҙ еребеҙҙе үҫтереүҙе дауам итәсәкбеҙ.

Башҡортостан Башлығы Радий Хәбиров журналистар менән ҡорған әңгәмәлә республикала йәш таланттарҙы әҙерләү өсөн уңайлы шарттар тыуҙырылыуын билдәләп үтте.

Башкортостан башлығы Радий Хәбиров: - Октябрьский музыка колледжы капиталь ремонттан һуң бөтөнләй яңы төҫ алды. Уны оҙаҡ эшләнеләр, сөнки был ҡот осҡос хәлдә булған мәҙәни мираҫ объекты. Яңыртыуға 275 млн һум аҡса сарыф ителде. Төҙөүселәр ҙә үҙ эштәрен намыҫ менән башҡарҙылар. Уҡыу йортонда, әйткәнемсә, республиканың музыкаль элитаһы формалаша. Бынан сыҡҡан белгестәрҙең күбеһе һуңынан район һәм ҡала мәҙәниәт йорттарында эшләй, күбеһе Өфө дәүләт сәнғәт институтына бара. Һәм бына бында ысынлап беҙҙең иҫ киткес шедеврҙар, талантлы егеттәр һәм ҡыҙҙар тыуа. Иң мөһиме, колледждарыбыҙҙың уҡыу корпустарын, оҫтаханаларын һәм дөйөм ятаҡтарын тәртипкә килтереү уларға конкурс артыуға ла яҡшы нигеҙ булып тора.

Автор:Гаухар Фазуллина

Читайте нас:

Фазуллина Гәүһәр Йәүҙәт ҡыҙы, баш мөхәррир.

ПИ ТУ02-01521-се теркәү таныҡлығы Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығынан 2016 йылдың 25-се мартында бирелде.

Запрещено для детей «18+»

Телефон

8 (34782) 5-12-96

Электрон почта

[email protected]

Адресы

452750, Республика Башкортостан, г. Туймазы, ул. Мичурина, 20Б

Реклама хеҙмәте

8 (34782) 5-13-00

Редакция

8 (34782) 5-13-05

Ҡабул итеү бүлмәһе

8 (34782) 5-12-96

Хеҙмәттәшлек

8 (34782) 5-13-05

Кадрҙар бүлеге

8 (34782) 5-12-96