Үҙебеҙҙә тикшеренеү эше алып барырға һәм ял итергә мөмкинлектәр бар

Шаран районында ла эске туризмды үҫтереү өсөн ҙур потенциал бар. Йәйге каникулдың һуңғы көндәрендә Шаран районы уҡыусылары күрше Баҡалы районының туристик объекттарында булды. Улар Бугабаш Богородица-Одигитриев ҡатын-ҡыҙҙар монастырында һәм Орлов мәмерйәләрендә булды. «Йәш эколог - тыуған яҡты өйрәнеүсе» республика профилле экологик сменаһы 23-29 августа «Бригантина» һауыҡтырыу лагеры базаһында эшләне. Унда Шаран, Шишмә, Саҡмағош, Тәтешле, Өфө һәм Мишкә райондарынан, Өфө, Октябрьский һәм Сибай ҡалаларынан уҡыусылар ял итте һәм фәнни тикшеренеүҙәр үткәрҙе.

Шаран районынан Валерия Соловьева (Шаран ауылының 1-се урта мәктәбе), Николай Кузьмин (ЯҢЫ Йомаш ауылы мәктәбе), Айгөл Ғәбиҙуллина (Мичуринск ауылы мәктәбе), Эрвика Минькаева (Наратаҫты ауылы мәктәбе) профилле смена тәрбиәләнеүселәре булды. Профиль сменаһы составының күбеһе республика, Бөтә Рәсәй һәм халыҡ-ара конкурстар һәм фестивалдәрҙә еңеүселәр һәм призерҙар. Октябрьский ҡалаһынан Елизавета Иванова Ҡабарҙы-Балҡарҙа экология буйынса Бөтә Рәсәй уҡыусылар олимпиадаһының йомғаҡлау этабы призеры, Минск ҡалаһында үткән экология слетының ике тапҡыр призеры. Сибайҙан Самира Вәлиева – Минск ҡалаһында «Сикһеҙ экология» халыҡ-ара слеты призеры, «Мин - юннат» Бөтә Рәсәй марафоны еңеүсеһе.

«Бригантина» лагерында «Йәш эколог  -тыуған яҡты өйрәнеүсе» профилле экологик смена етәксеһе, Башҡортостан Республикаһының балалар республика экология-биология үҙәге методисы Лилиә Әхмәтова:

«Экологик смена - «Минең бәләкәй Ватаным» Бөтә Рәсәй конкурсының республика этабына әҙерләнеүҙә һәм унда ҡатнашыуҙа уҡытыу этаптарының береһе булып тора. Смена сиктәрендә балалар экожурналистика буйынса эштәр әҙерләй, үҙҙәренең экомаршруттарын, тәбиғәткә һаҡсыл ҡараш менән бәйле Башҡортостан халыҡтарының йолаларын һәм ғөрөф-ғәҙәттәрен тикшерә. Шулай уҡ тәрбиәләнеүселәребеҙ экосувенирҙар әҙерләй һәм урындағы милли аш-һыу әҙерләү менән таныша. Быйыл беҙ бәлеш әҙерләйбеҙ, кейеҙ баҫыу, һалам ҡурсаҡтар эшләү менән шөғөлләнәбеҙ. Балалар видеоотчеттар, репортаждар төҙөү күнекмәләрен ала, мәҡәләләр яҙырға өйрәнә. Шаранбаш-Князево ауылында улар урындағы халыҡ менән танышты, интервью алалар. Саралар республика Мәғариф министрлығынан финанслана”.

«Кванториум» республика балалар мәғариф технопаркының геоинформатика һәм аэротехнология уҡытыусыһы Ирина Ғәбиҙуллина:

«Беҙҙең мобиль технопаркыбыҙ бар, район мәктәптәренә йөрөйбөҙ. Мин «Бригантина» лагерында беренсе тапҡыр килдем. Минең педагогик тәжрибәм күрһәтеүенсә, үҫмерҙәрҙе геоинформатика - мәғлүмәт технологиялары нигеҙҙәре менән география, аэротехнология – пилотһыҙ осоусы аппараттар ҡыҙыҡһындыра. Смена программаһында - мауыҡтырғыс саралар, ҡыҙыҡлы экскурсиялар, походтар бар».

Бер көндө экологик смена тәрбиәләнеүселәре Баҡалы районындағы Боғабаш Богородица-Одигитриев ҡатын-ҡыҙҙар монастырына барҙы, ҡыҙыҡлы экскурсия ҡараны. Балалар Боғабаш ҡатын-ҡыҙҙар монастыры тарихы тураһында күп ҡыҙыҡлы мәғлүмәт алды. Экологик лагерҙа тәрбиәләнеүселәр ҡатын-ҡыҙҙар монастырында йәшәүселәр менән теләп аралашты. Сибай ҡалаһынан Аэлина Искәнйәрова билдәләүенсә, бында күңел тыныслығы һиҙелеп тора.

Артабан балалар Орловка ауылы янында урынлашҡан Орлов мәмерйәләренә барҙы. Элек мәмерйәләр күберәк булған, уларҙа баҡыр сығарылған. 18 быуат аҙағында был эш туҡтатыла. Йәш тикшеренеүселәр ике штольняла ла була. 

Руслан Хафизов. Авторҙың фотоһы.

https://vk.com/club156141905?w=wall-156141905_14744