Тантаналы дата алдынан Туймазы башҡорт тарихи-мәҙәни үҙәгенең, Халыҡтар дуҫлығы йорто филиалының баш белгесе Гөлмирә Бикбулатова, шулай уҡ «Ағинәйҙәр» йәмәғәт ойошмаһы ағзалары Лилиә Байкова һәм Зөләйха Ҡотлина 6-сы мәктәптең ҡунаҡтары булды.
Гөлмирә Йәмил ҡыҙы балаларға БР Конституцияһы тиҫтә йылдар дауамында республикабыҙ халыҡтарының телдәрен һәм мәҙәниәтен, уларҙың дуҫлығын һәм йәмәғәт татыулығын, тәбиғәтен һәм рухи мираҫын, ә иң мөһиме – республика халҡының хоҡуҡтарын һәм законлы мәнфәғәттәрен һаҡлауын дауам итеүен иҫкә төшөрҙө. Ул балаларға Башҡортостандың төп законы менән танышырға кәңәш итте, унда граждандарҙың хоҡуҡтары ғына түгел, уларҙың бурыстары ла баҫылған.
Ҡунаҡтар « Өләсәйҙәрҙең тылсымлы әкиәттәре» сараһын да үткәрҙе. Улар халыҡ әҙәби әҫәрҙәренең мәғәнәләре, идеялары, сюжеттары хаҡында һөйләне, өс телдә – башҡорт, рус һәм татар телдәрендә әкиәттәр уҡыны.