Туймазыла яҙыусы Камил Йыһаншиндың юбилейын билдәләнеләр

Камил Йыһаншин тураһында һөйләгәндә, күҙ алдында оҙон буйлы, ябыҡ, шат күңелле, сәләмләүҙә уң ҡулын күтәргән кеше образы барлыҡҡа килә. Кем ул? Яҙыусы, сәйәхәтсе, хәйриәсе, йәмәғәт эшмәкәре... иң мөһиме – тыуған еренә һөйөү һәм ихлас күңелдән хеҙмәт иткән кеше.

Уның әҙәби хеҙмәттәре шул тиклем образлы һәм тәрән, хатта донъялағы бөтә нәмәне оноторға мәжбүр итә. Йыһаншиндың бәләкәй һанлы халыҡтар һәм ҡырағай хайуандар тураһында изге һәм яҡты әҫәрҙәре кешеләргә яҡшыраҡ булырға ярҙам итә.

Билдәле башҡорт шағиры Мостай Кәрим үҙ ваҡытында уның ижады тураһында былай тип әйткән: «Был яҙыусыныңкКитаптарын күҙ менән генә үтеп булмай. Улар аша тайга буйлап ашыҡмайынса, тупланып, тирә-яҡҡа күҙ һалып һәм, әлбиттә, уйланып үтергә кәрәк”.

Камил Йыһаншиндың бик күп наградалары бар. Күптән түгел уларға тағы бер «Әҙәбиәттәге ҡаҙаныштары өсөн» билдәһе өҫтәлде. Был ижадта айырым ҡаҙаныштары өсөн Рәсәй яҙыусылар Союзының юғары наградаһы.

Уны яҡташыбыҙға «Родина» мәҙәниәт һарайында тантаналы юбилей кисәһендә тапшырҙылар. Сара Йыһаншиндың 75 йыллығына арналды, унда уның дуҫтары, туғандары, коллегалары һәм фекерҙәштәре йыйылды.