Туймазыла СВО яугире уға хат яҙған студент ҡыҙ менән осрашты

Һалдат өсмөйөштәре. Улар Рәсәйҙең төрлө тарафтарынан йөҙәрләгән тапҡыр махсус хәрби операция зонаһына оса. Мессенджерҙар һәм социаль селтәрҙәр ҡыҫырыҡлап сығарған хат яҙыу сәнғәте яңынан тергеҙелде. 80 йыл элек булғандағы кеүек, был хаттар уҡыу дәфтәренән алынған ҡағыҙға ручка менән яҙылған. Рәхмәт һүҙҙәре һәм иҫән-һау әйләнеп ҡайтыу теләктәре унда. Был хаттарҙы яугирҙәр үҙҙәре менән йөрөтә.

Миңлеғәле Шайморатов исемендәге башҡорт ирекле отряд яугиры, Туймазынан «Сәлим» ҡушаматлы яугир хеҙмәт итеү осоронда яҡташтарынан тиҫтәләгән хат уҡыны. Февралдә ул ауыр яралана. Табиптар уның аяҡтарынан 64 ярсыҡ сығарған, ләкин, бәхеткә күрә, уларҙың береһе лә һөйәккә теймәгән. Госпиталдә ул ирекмәндәр посылка ала. Кейем менән бергә уға Туймазы медицина колледжы студенттарының хаттары ла тапшырылды. 4-се курс студенты Виктория Москвинаның хаты күңел түренә үтеп инде уға.

Викторияның дуҫы һәләк булған, ул уның юғалыуҙы ҡыйын кисергән һәм һалдатты иҫән-һау көтөп аласағы тураһында яҙған, сөнки дуҫын көтөп ала алмаясаҡ. Яраларын дауалап бөтөргә ҡайтҡас, ул хеҙмәттәше «Татарин» ҡушаматлы яугир менән бергә Викторияға рәхмәтен белдерергә колледжға килә. Яугирҙәргә тантаналы осрашыу ойошторҙолар.

• Мин Чечняны үттем, Молдавияла, Сүриәлә һәм Ливияла һуғыштым. Мин сыныҡҡан һалдат, мине йәлләүе, йә аптыратыуы ауыр, - тине «Сәлим», йәштәр алдында сығыш яһап. - Әммә был хат башҡаларҙан айырылып тора. Был дежур мөрәжәғәт түгел ине - яҡындарын юғалтҡан кешеләрҙең кисерештәрен аңлап, күңел әрнеүе менән ихлас күңелдән яҙған хат ул. Беләһегеҙме, элекке кеүек, телефондарыбыҙ булмағанда һәм беҙ хистәребеҙҙе смайликтар менән алмаштырмағанда, ысын хаттар шулай яҙылған. Госпиталдә минең менән булғандарҙың бөтәһенә лә был хатты уҡып сыҡҡас, уны күрше палаталарҙағы яугирҙарға һәм батальондағы хеҙмәттәштәремә тапшырҙым. Виктория үҙенең телефон номерын күрһәткән ине, мин уға рәхмәт һүҙҙәре әйттем, әммә шәхсән үҙенә лә, медицина колледжы коллективына ла гуманитар ярҙам, дарыуҙар өсөн рәхмәт әйткем килде. Барыһы ла килеп сыҡҡанға шатмын.
• - Хаттарығыҙҙың беҙгә ныҡ ҡәҙерле, - тип өҫтәне «Татарин». - Беҙ ысынлап та үҙебеҙ менән йөрөтәбеҙ уларҙы. Тирә-яғыбыҙҙа барыһы ла шартлаған һәм янаған иң ауыр, ҡурҡыныс мәлдәрҙә мин уларҙы алып уҡыйым, һеҙҙең һеҙҙең хат юлдарығыҙ артабан көрәшергә көс бирә.