Туймазыла Бөйөк Ватан һуғышы ветераны вафат булды

Илсембәт ауылында йәшәүсе Бөйөк Ватан һуғышы ветераны Миңнур Саттаров 96-сы йәшендә вафат булды. Ул 1944 йылда 17 йәшлек егет булып фронтҡа китә. Артабан Көнбайыш Украинала яҡташыбыҙ бандерҙар менән көрәшкән, мөһим объекттарҙы һаҡлаған, яңы йорттар һалыуҙа ҡатнашҡан. Бәрелешеүҙәрҙең береһендә ул яралана, ярты йыл госпиталдә ята. Ә 1948 йылда Миңнур Минһаж улын комиссовать иткәләр.

Былтыр Еңеү көнө алдынан ул беҙҙең баҫмаға һуғыш йылдары - ғүмеренең иң ауыр, ҡурҡыныс өлөшө булыуы, уның тураһында хатта йылдар үткәндән һуң да иҫләүе ауырлығы хаҡында һөйләне.

Илсембәткә ҡайтҡас, Миңнур Минһаж улы ауыл театр постановкаларында бергә уйнаған ҡыҙға өйләнә.

- Миңә уны миңә тиклем осраған егеттән тартып алырға тура килде, - тип йылмайып иҫенә төшөрҙө шул йылы ветеран. - Тормош иптәшем менән 59 йыл йәшәнек, алты бала тәрбиәләп үҫтерҙек, беҙҙең 14 ейән-ейәнсәребеҙ һәм 31 бүлә-бүләсәребеҙ бар.

Ул оҙаҡ йылдар «Илсембәт» совхозында агроном, бухгалтер, баш иҡтисадсы булып эшләй. Парторг, ауыл советы депутаты була. Күпмелер ваҡыт ауыл биләмәһе документацияһын алып бара – никахтар теркәй, тыуыу һәм үлем тураһында таныҡлыҡтар яҙа. Уны хатта урындағы энциклопедия тип йөрөттөләр, сөнки ул ауылдаштарының барыһын да белгән.

Тормош иптәше үлгәндән һуң, ул кесе ҡыҙы Рузалия менән йәшәй. Ғүмеренең аҙағына тиклем ҡыҙы атаһын матур итеп ҡарап тора.