Уңыштар һеҙгә, Гөлназ Рәдиф ҡыҙы!

7-се мәктәптең рус теле һәм әҙәбиәте уҡытыусыһы Хафизова Гөлназ Рәдиф ҡыҙы «Йыл уҡытыусыһы» конкурсының финалына сыҡты. Бөгөн ул «Матбуғат конференцияһы» һынауында - матбуғат вәкилдәре һәм уҡытыусылар, уҡыусылар һәм педагогик вуз студенттары менән асыҡ диалогта ҡатнаша. Гөлназ Хафизова бер нисә ярышты уңышлы үтте. Ул «Методик оҫтахана», асыҡ дәрес үткәрҙе, Өфөнөң 155-се лицейының бишенсе класс уҡыусылары менән тайм-менеджмент темаһына әңгәмәләште. «Йыл уҡытыусыһы» конкурсы финалсылары өсөн уҡытыусы оҫталыҡ дәресе үткәрҙе.