Шайморатовсылар Туймазы халҡына ярҙамдары өсөн рәхмәт белдерҙе

Миңлеғәле Шайморатов исемендәге батальон яугирҙары Туймазы районы халҡына уларға ярҙам иткәндәре өсөн рәхмәт белдерҙе. Бигерәк тә маскировка селтәрҙәрен, йылы ойоҡбаштар - аяҡтарҙы ғына түгел, күңелде лә йылытҡаны өсөн, балаларҙан килгән хаттарҙы ла билдәләне.

Яҡташтарының йылы һәм хәстәрлекле булыуы арҡаһында уларға еңелерәк, тип һөйләне һуғышсылар.

 Туймазылар - ябай кешеләр ҙә, предприятие һәм ойошмалар ҙа - махсус хәрби операцияның беренсе көнөнән үк хәрби хеҙмәткәрҙәргә һәр яҡлап ярҙам күрһәтә. Туҡланыу пункттарына ҡаптар менән аҙыҡ-түлек, медикаменттар, йылы кейем һәм башҡа күп нәмә килтерәләр. Хатта райондың иң бәләкәй кешеләре лә яугирҙарға ярҙам һүҙҙәре менән һүрәттәр ебәреп, үҙ өлөшөн индерә.