Тыуған ерем - гөллө Башҡортостан

Район мәҙәниәт бүлеге һәм район мәҙәниәт йорто хеҙмәткәрҙәре Нуриман районына сәйәхәткә юлланды. Улар Ҡариҙел йылғаһының һул яғында урынлашҡан “Ҡыҙыл шишмә”нең (урыҫ телендә- “Красный Ключ”)  ауыҙҙы ҡурырлыҡ һыуын тәмәләп ҡаранылар. “Ҡыҙыл шишмә” һыу дебиты (һыу миҡдары) буйынса донъяла, Францияның Воклюз шишмәһенән генә ҡалышып, икенсе урында тора. Һыу миҡдары — секундына 14,88 куб метр. “Ҡыҙыл шишмә” — Рәсәйҙәге иң эре эсәр һыу сығанағы. Шишмәнең өҫтө асыҡ зәңгәр төҫтә, әйтерһең,  япма япҡандар! 1965 йылдан алып — төбәк әһәмиәтендәге «Ҡыҙыл шишмә сығанағы» айырыуса һаҡланыусы тәбиғәт территорияһы составында.   Эргә-тирәһе төҙөкләндерелгән, ял итеү өсөн бик матур урын. Тәбиғәте ниндәй! Һоҡланып туймаҫлыҡ!

 “Святые кустики” ирҙәр монастыренда булыу,  Павлов һыу һаҡлағысында һыу ҡойоноуҙар-былар барыһы ла күңелдә юйылмаҫ эҙҙәр ҡалдырҙылар.