+13 °С
Облачно
Общество
6 Июля 2021, 05:13
Киләсәк быуындар өсөн капсула
VI Бөтә донъя фольклориадаһында йәш быуынға мөрәжәғәт менән капсула булдырыла. Шишәмбе «Рәсәй» медиаүҙәгендәге матбуғат конференцияһында Башҡортостандың мәҙәниәт министры Әминә Шафиҡова ошо хаҡта һөйләне.
«Фольклориаданы ябыу тантанаһы «Ғүмер ағасы. Йәш быуынға мөрәжәғәт» тип атала. Беҙҙе тамырҙарыбыҙ берләштерә. Фольклорҙы белмәйенсә тороп, артабан үҫешә алмайбыҙ, быны онотмаҫҡа тейешбеҙ. Киләсәк быуынға мөрәжәғәт менән ике капсула эшләү күҙаллана. Был мөрәжәғәттә быйылғы Фольклориадала ҡатнашҡан барлыҡ илдәрҙең вәкилдәре үҙ ҡултамғаһын ҡалдыра. Бер капсула — CIOFF ойошмаһына, икенсеһе Милли музейға тапшырыла», — тине министр.
Байрамда коронавирус инфекцияһы таралыу хәүефенә бәйле юғары хәүефһеҙлек саралары күрелә.
"Башинформ" мәгълүмат агентлыгы.
