+14 °С
Дождь
Общество
30 Ноября 2020, 16:45
НЕФТЬ ҠЫУҘЫРЫУСЫЛАР БӨЙӨК ВАТАН ҺУҒЫШЫНДА ҠАТНАШЫУСЫЛАРҘЫҢ ИҪТӘЛЕГЕН МӘҢГЕЛӘШТЕРҘЕ
Черкассы ҡасабаһында Өфө районынан сыҡҡан Бөйөк Ватан һуғышында ҡатнашыусылар, Советтар Союзы Геройҙары Ф.М.Косолаповтың һәм П.А.Кулаковтың, шулай уҡ Дан Орденының тулы кавалеры М.А.Едренкиндың иҫтәлеге мәңгеләштерелде. Тиҙҙән ҡасаба халҡы ауылда парк төҙөргә планлаштыра, Батырҙар һуҡмағы был паркта үҙәк урынды биләйәсәк.
Фронтовиктарға бронза бюстар ҡуйыу - аллеяны булдырыуҙа тәүге аҙым. Уларҙы әҙерләүҙә ярҙам һорап Черкассы ауыл советы хакимиәте райондың иҡтисади, мәҙәни һәм йәмәғәт тормошона, уның ныҡлы үҫешенә ҙур өлөш индергән “Транснефть - Урал” йәмғиәтенә мөрәжәғәт итә. Предприятие инициативаны хуплай һәм эштәр комплексын тулыһынса финанслау өсөн 1 млн тирәһе хәйриә ярҙамы күрһәтә. Һуғышта ҡатнашыусыларҙың бюстары бронзанан эшләнгән, бетон-кирбес постаменттары гранит менән йөҙләнгән. Унда геройҙарҙың исем-шәрифтәре, йәшәгән йылдары уйылған.
“Транснефть - Урал” йәмғиәте Бөйөк Ватан һуғышында ҡатнашыусыларҙың һәйкәлдәрен ремонтлауҙа һәм төҙөкләндереүҙә даими хәйриә ярҙамы күрһәтә. Бөйөк Еңеүҙең 75 йыллығында предприятие үҙе эшләгән төбәктәрҙә тиҫтәләгән һәйкәл һәм мемориаль комплекстарҙы тәртипкә килтергән.
“Транснефть - Урал” йәмғиәте Бөйөк Ватан һуғышында ҡатнашыусыларҙың һәйкәлдәрен ремонтлауҙа һәм төҙөкләндереүҙә даими хәйриә ярҙамы күрһәтә. Бөйөк Еңеүҙең 75 йыллығында предприятие үҙе эшләгән төбәктәрҙә тиҫтәләгән һәйкәл һәм мемориаль комплекстарҙы тәртипкә килтергән.
