Ижади оҫтахана уңышлы эшләне

Туймазы ҡалаһының 1-се Гимназия базаһында "Башҡорт телен уҡытыуҙа инновацион алымдар" темаһы буйынса төнъяҡ-көнбайыш райондарының башҡорт теле һәм әҙәбиәте уҡытыусыларының республика семинары уңышлы үтте. Унда филология фәндәре кандидаты, БДУ доценты И.Сәйетбатталов, БР Мәғариф һәм фән министрлығының Милли мәғариф идаралығының милли мәғариф бүлеге начальнигы Р.Сафиуллина, БР-ның МҮИ-ның Милли мәғариф буйынса ресурс үҙәге баш белгесе И.Сәлихов, дәреслектәр авторы М.Дәүләтшина, Милли мәғариф буйынса ресурс үҙәге етәксеһе Ә.Әбделмәнова ҡанташты. Форумда ҡатнашыусыларҙы Туймазы районы хакимиәте мәғариф идаралығы начальнигы А.Әхмәтова сәләмләне. Уҡытыусылар оҫталыҡ кластары ҡараны, дәрестең технологик картаһын төҙөү буйынса төркөмдәргә бүленеп эшләне. БР-ның төнъяҡ-көнбайыш райондарында башҡорт телен уҡытыу өсөн ҡулланмалар эшләүҙә әүҙем ҡатнашҡан алдынғы уҡытыусыларға БР-ның Фән һәм Мәғариф Министрының Рәхмәт хаттары тапшырылды. Семинарҙа ҡатнашҡан уҡытыусылар мәғариф министрлығына, БР-ның мәғарифты үҫтереү институтына,ресурс үҙәккә, Гимназия администрацияһына сикһеҙ рәхмәттәрен әйтеп таралды.