“Йөрәк һүҙе” Туймазыла!

Башҡорт теле йылының февраль айы “Башҡорт теле – заманса тел” лозунгыһы аҫтында үтә. Ошо айҡанлыТуймазы ҡалаһының “Родина” мәҙәниәт йортонда күркәм сара үтте. Форумда Бөтә донъя башҡорттары ҡоролтайы Президиумы ағзаһы, табип-генетик, медицина фәндәре докторы, профессор, йәмәғәт эшмәкәре Мырҙабаева Сәлиә Шәрифйән ҡыҙы һәм режиссер,продюсер, Башҡортостан Республикаһының атҡаҙанған сәнғәт эшмәкәре, “Йөрәк һүҙе” телевизион проекты авторы Сәфәрғолова Наилә Абдулхай ҡыҙы ҡатнашты. Улар “Айыҡ ауыл” прокты һәм һәр кемдең йөрәгенә үтеп ингән, үҙ иткән “Йөрәк һүҙе” буйынса мауыҡтырғыс итеп һөйләне, оҫталыҡ класы күрһәтте. Саранан һәр кем күңел күтәренкелеге, рухи аҙыҡ алып ойоштороусыларға оло рәхмәтен белдереп таралды.