Кышкылыкка бал һәм каз хәстәрләделәр

Халык бердәмлеге көнендә Туймазыда зур ярминкә үтте

Узган ялларда Октябрь мәйданында зур сәүдә җәелдерелде. Шул ук вакытта биредә Халык бердәмлеге көнен дә билгеләделәр.

— Бу бәйрәм дә, зур сәүдә көне дә ул, – дип сөенде сатучылар, киштәләргә үзләре җитештергән товарларны тезеп. – Бездән нәрсәдер сатып алмыйча киткән кеше аз.

Ризыкның күплегеннән күзләр йөгерде... Туймазы, Шаран районнарыннан һәм Татарстаннан сап-сары юкә һәм коңгырт-сары карабодай балы белән тулган банка һәм флягалар. Янәшәдә – җыйнак кына үрдәк һәм гаять зур каз түшкәләре – акчаң булса, рәхим ит. Бераз арырак – кипкән җимеш һәм чикләвек, чәкчәк, бавырсак. Һәм кәбестә өемнәре, яңа уңыштан төрле ярмалар, төбәк һәм Русия җитештерүчеләреннән хуш исле үсемлек мае.

Туймазылылар бу нигъмәт-ләр кырында бөтерелде, капчыкларын, кемдер тәгәрмәчле букчаларын шыплап тутырды. Чөнки тиздән чып-чын кыш киләчәк, һәм төбәктә җитештерелгән тазә һәм арзан азык-төлекне, өстәвенә, бер урында тупланган, еш очратып булмаячак.

— Авыл хуҗалыгы ярминкәсе – Яңа елга бозылмый торган ризыклар алып кую өчен менә дигән мөмкинлек, – ди туймазылы Альберт Хәсәншин. – Шуңа күрә аларның берсен дә калдырмыйбыз. Хатыным белән кәбестә алдык, әле бал эзлибез, сайлап алу мөмкинлеге бар.

— Туймазыда ярминкә оештырылуын Октябрьский шәһәрендә яшәүче сатып алучымнан ишеттем, – ди Татарстанның бер бәләкәй авылыннан бал сатучы. – Башкортстанда быел бал күп булмады. Шуңа күрә Туймазы умартачылары булганын сатып бетте диярлек. Бал яратучыларга җитми дә калды ул. Сатып алучым: “Килегез, ярминкәдә балыгыз мотлак сатылачак”, – дип киңәш итте. Чыннан да, бүген товарым бик тиз

үтә.

Район Хакимиятенең кулланучылар базары белән эшләү бүлегендә хәбәр итүләренчә, бу көнне 12,5 тонна авыл хуҗалыгы продукциясе сатылган. Ярминкәдән кергән табыш 2 миллион 433 мең сум тәшкил иткән.

Ноябрьдә ярминкәләр

10 ноябрьдә ярминкә рәтләре Серафимовка авылында эшләячәк;

11 ноябрьдә – Собханкулда;

17 ноябрьдә – Түбән Троийцкийда;

23 ноябрьдә – Туймазыда шәһәр мәйданында;

30 ноябрьдә – Серафимовкада.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Фазуллина Гәүһәр Йәүҙәт ҡыҙы, баш мөхәррир.

ПИ ТУ02-01521-се теркәү таныҡлығы Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығынан 2016 йылдың 25-се мартында бирелде.

Запрещено для детей «18+»

Телефон

8 (34782) 5-12-96

Электрон почта

[email protected]

Адресы

452750, Республика Башкортостан, г. Туймазы, ул. Мичурина, 20Б

Реклама хеҙмәте

8 (34782) 5-13-00

Редакция

8 (34782) 5-13-05

Ҡабул итеү бүлмәһе

8 (34782) 5-12-96

Хеҙмәттәшлек

8 (34782) 5-13-05

Кадрҙар бүлеге

8 (34782) 5-12-96