Бөтә яңылыҡтар
Общество
19 Ноябрь 2018, 16:19

Башҡортостандың агросәнәғәт комплексы предприятиелары «Алтын көҙ» күргәҙмәһендә 166 миҙал менән билдәләнде

«Алтын көҙ» Рәсәй агросәнәғәт күргәҙмәһе эшенең йомғаҡтары буйынса, Башҡортостандың агросәнәғәт комплексы предприятиелары тармаҡ конкурстарының 166 миҙалы менән билдәләнде, тип хәбәр иттеләр Башҡортостандың Ауыл хужалығы министрлығынан

«Алтын көҙ» Рәсәй агросәнәғәт күргәҙмәһе эшенең йомғаҡтары буйынса, Башҡортостандың агросәнәғәт комплексы предприятиелары тармаҡ конкурстарының 166 миҙалы менән билдәләнде, тип хәбәр иттеләр Башҡортостандың Ауыл хужалығы министрлығынан. Уларҙың 94-е – алтын, 44-е – көмөш һәм 28-е бронза. Башҡортостан Хөкүмәте «Күргәҙмә үҫешенә өлөш индергәне өсөн» Гран-приға лайыҡ булды.
Күргәҙмә эшләгән көндәрҙә республика стендында эшлекле осрашыуҙар һәм һөйләшеүҙәр уҙғарылды, мөһим килешеүҙәр төҙөлдө. Атап әйткәндә, Башҡортостан һәм Мари-Эль республикалары бергәләп ауыл хужалығы кооперацияһын үҫтерергә һәм продукцияны экспортлау-ҙы киңәйтергә килеште; Башҡортостан Ауыл хужалығы министрлығы һәм яуаплылығы сикләнгән «Технотранс» йәмғиәте Рәсәй тимер юлы операторы ил төбәктәренә һәм экспортҡа иген ташыу тураһында һүҙ биреште. Республика Хөкүмәте һәм «ФосАгро-Регион» компанияһы республика биләмәһендә экологик яҡтан таҙа иген һәм техник культуралар үҫтереү өсөн ҡулланылған комплекслы шыйыҡ ашламалар ҡабул итеү һәм һаҡлау инфраструктураһы (логистика үҙәге, складтар) булдырыу тураһында килешеү төҙөнө.