-13 °С
Болотло
75 лет Победы
Бөтә яңылыҡтар
Общество
2 Август 2018, 19:50

Шаран егете – “Росатом” премияһы лауреаты

“Росатом” Дәүләт корпорацияһында “Росатомдың йыл кешеһе-2017” V юбилей тармаҡ программаһы еңеүселәрен һәм лауреаттарын бүләкләнеләр

Мәскәүҙә, Рәсәй армияһы театрында – “Росатомдың йыл кешеһе-2017” йыллыҡ премияһы лауреаттарын бүләкләү тантанаһы үтте. Был премияны Рәсәй атом тармағының уҙған йылда иң яҡшы хеҙмәткәрҙәре ала.

Ҙур конкуренцияға һәм күп кимәлле һайлап алыу системаһына ҡарамаҫтан, номинанттар һаны йыл һайын уртаса 25 процентҡа арта. Биш йыл эсендә конкурсҡа 6300-ҙән ашыу (уларҙың 1818-е – быйыл) заявка бирелгән.

“Бөтә тармаҡ кимәлендә иң яҡшылар исемлегенә эләгеү – был хеҙмәткәрҙәрҙең генә еңеүе түгел. Уларға ныҡлы тыл тыуҙырыусы, ышаныстарын арттырыусы һәм
номинанттарҙың бөтә башланғыстарында ярҙам итеүсе ғаиләлә-ре, туғандары һәм яҡындарының да уңышы. Атом тармағы профессионалдары рәтенә рәхим итегеҙ, яңынан-яңы ҡаҙаныштар, эшегеҙҙә һәм тормошоғоҙҙа уңыштар теләйем!” – тип ҡотланы лауреаттарҙы “Росатом” Дәүләт корпорацияһының персонал директоры Татьяна Терентьева.

Еңеүселәрҙе һайлап алыуҙа эш һөҙөмтәләре, төрлө бурыстарҙы хәл итеүҙәге уңыштар, һөнәри сифаттар ҡаралды. Һәр уңышлы проект артында реаль кешенең исем-шәрифе тора һәм “Росатомдың йыл кешеһе” бәйгеһе уларҙы бөтә тармаҡта күренекле итә.

“Академик Е. И. Забабахин исемен-дәге Рәсәй федераль атом-төш үҙәге – Бөтә Рәсәй фәнни-тикшеренеү техник-физика институты” ФДУП-ның кесе фәнни хеҙмәткәре Игорь Гәрәев “Фәнни хеҙмәткәр” номинацияһында еңеүсе тип танылды.

Игорь Святославович Шаран районы Һаҡты ауылында тыуып үҫкән. Был тармаҡта Өфө дәүләт авиация-техника университетын тамамлағандан һуң, 2010 йылдан эшләй.

Ошо сағыштырмаса ҡыҫҡа осорҙа Игорь Гәрәев хеҙмәттә яҡшы һөҙөмтәләргә өлгәшә.

Ул 26 фәнни-техник хеҙмәт, 5 уйлап табыу (патент), уйлап табыуға 1 заявка, патентты кертеүгә 4 һәм файҙаланыуға 5 акт авторы.

Беҙ Игорь Гәрәев кеүек башҡа төбәктәрҙә лайыҡлы йәшәүсе һәм эшләүсе, илдең социаль-иҡтисади үҫешенә һәм хәүефһеҙлегенә үҙ өлөшөн индереүсе яҡташтарыбыҙ булыуы менән ғорурланабыҙ. Афарин, Игорь! Уңыштар һиңә!

Читайте нас в