Бөтә Рәсәй мәҙәниәт акцияһы сиктәрендә Шаран тарих тыуған яҡты өйрәнеү музейында ҡыҙыҡлы саралар үтте.
Акцияның “Халыҡтар дуҫлығында – тыуған яҡ берҙәмлеге” тип исемләнгән өсөнсө блогы – толерантлыҡ кисәһендә район башҡорттары ҡоролтайы башҡарма комитеты рәйесе Зиниә Диярова уҡыусыларға башҡорт халҡының милли кейемдәре, ҡатын-ҡыҙҙар кейемдәренең төрлөлөгө тураһында һөйләне. Элек башҡорт ҡатын-ҡыҙы-ның кейемдәре буйынса уның ҡайһы ырыуҙан булыуын һәм ҡайҙа йәшәүен генә түгел, ә уның социаль статусы (кейәүҙәме-түгелме), ғаи-
ләһенең финанс хәле тура-һында ла белгәндәр.
Туймазы ҡалаһынан Зөлфиә Краснова беҙҙең яҡта йәшәүсе башҡорт ҡатын-ҡыҙҙары күл-дәген яңыртып теккән. Зиниә Әнүәр ҡыҙы башҡорт ҡатын-ҡыҙҙарының байрам кейеме, баш кейеме һәм биҙәнеү әйберҙәре тураһында видеопрезентация күрһәтте. Татар, сыуаш, мари һәм рус милләттәре вәкилдәре сығышы ла фәһемле булды. Акция ҡунаҡтары Шаран районында күпләп йәшәүсе халыҡтарҙың ғөрөф-ғәҙәттәре һәм йолалары тураһында күп яңылыҡ белде.