+24 °С
Облачно
Новости
9 Февраля 2022, 10:35
Баймаҡта Башҡорт аты музейы ойошторола
Башҡортостандың Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге директоры Данир Ғәйнуллин хәбәр итеүенсә, Башҡорт аты музейы «Ирәндек» тарихи-археологик һәм ландшафт музей-ҡурсаулыҡ экспозицияһының бер өлөшө була. Кисә Баймаҡ районы башлығы Фәнис Әминев ҡатнашлығында ошо һәм башҡа проекттар тикшерелде.
«Баймаҡ ҡалаһындағы «А. Ф. Кабанов йорто» архитектура ҡомартҡыһында тарихҡа тиклемге осорға арналған музей экспозицияһы, шулай уҡ музей-ҡурсаулыҡтың административ өлөшө урынлашҡан. Музейҙың экспозицияһын яңыртырға һәм киңәйтергә ниәтебеҙ бар. Бында Башҡорт аты музейын булдырабыҙ. Әҙерлек эшен хәҙерҙән үк башлайбыҙ», — тине Данир Ғәйнуллин.
Ғилми хеҙмәткәрҙәр әҙерләгән концепцияны йыл дауамында тормошҡа ашырырға уйлайбыҙ.
«Ирәндек» тарихи-археологик һәм ландшафт музей-ҡурсаулығында кадрҙар ҙа үҙгәрҙе. Хәҙер Баймаҡ районында Рәмил Насретдинов етәкселегендә өмөтлө йәш белгесебеҙ Венер Нәбиев эшкә тотона. Ул Кабановтар йортонда экспозиция залдарын булдырыу, «Ирәндек» музей-ҡурсаулығы биләмәһен күҙәтеү һәм экскурсиялар ойоштороу өсөн яуаплы», — тип билдәләне Ғәйнуллин.
