-18 °С
Болотло
75 лет Победы
Бөтә яңылыҡтар
мәкәләләр
14 Февраль 2019, 14:11

«Беҙҙе Мостай Кәрим рухы йыйҙы...»

12 февралдә Өфөлә конкурсҡа йомғаҡ яһалды һәм еңеүселәр бүләкләнде.


" Башҡортостан уҡытыусыһы" журналының баш мөхәррире Салауат Кәримов менән.

Мостай Кәримдең ҡыҙы Әлфиә апай Кәримова менән.

Башҡортостандың халыҡ шағиры Мостай Кәримдең 100 йыллығын билдәләгән йылда уның тормошона һәм ижадына арналған «Мостай Кәрим – изгелек һәм тыныслыҡ йырсыһы» республика әҙәби-педагогик конкурсы уҙҙы. 12 февралдә Өфөлә конкурсҡа йомғаҡ яһалды һәм еңеүселәр бүләкләнде.
Шағирҙың ҡыҙы, Мостай Кәрим исемендәге фонд директоры Әлфиә Кәримова заманса белем биреү технологиялары ҡулланылған иң яҡшы дәрес өлгөләре, кластан тыш саралар өсөн дипломдар, китаптар һәм ҡиммәтле бүләктәр тапшырҙы.
Конкурсты ойоштороусы булып «Башҡортостан уҡытыусыһы» журналы сығыш яһаны. Былтыр йыл дауамында конкурсҡа уҡытыусыларҙың, мәктәпкәсә учреждение тәрбиәселәренең һәм уҡыусыларҙың дәрес өлгөләре, кластан тыш саралар сценарийҙары, тикшеренеү эштәре ҡабул ителде. Бәйгелә Башҡортостандың ҡала-райондарынан бөтәһе 135 уҡытыусы һәм 14 уҡыусы ҡатнашты.
Туймазы педагогия колледжы уҡытыусыһы Гөлнара Кәримова "Бөгөнгө заман белем биреү технологияларын ҡулланып үткәрелгән дәрес" номинацияһына еңәү яуланы.
– Беҙ Мостай Кәрим әҫәрҙәрен уҡып үҫтек, шәхес булараҡ формалашыуыбыҙҙа ул әҫәрҙәрҙең роле ҙур булды. Дөйөмләштереберәк әйткәндә, Мостай Кәрим мәктәбен үттек, тип ғорурланып әйтә алабыҙ. Бөгөн мәктәптә уҡыған балалар ҙа егерме-утыҙ йылдан шулай тип әйтһендәр ине, – ти Гөлнара Яхъя ҡыҙы.
Читайте нас в