Эх, яратам ошо йәмле йәй айҙарын!

Ауылда ваҡытты уйнап ҡына уҙғармайым, өй тирәһендәге төрлө эштәрҙе үтәргә лә өлгөрәм. Баҡсаны сүп-ҡыйҙан таҙартам, себештәргә ем бирәм, көтөү ҡаршылайым.

«Эш бөткәс, уйнарға ла ярай», – тип йыш әйтә өләсәйем. Шуға ла буш ваҡытымда велосипедта йөрөйөм, эргәләге быуаға барып балыҡ ҡармаҡлайым, гәзит-журналдар уҡыйым. Яңыраҡ Ямаҡай ауылында үткән район балалар һабантуйында ла ҡатнашырға насип булды. Уның барышында төрлө конкурстар, уйындар, эстафеталар ойошторолдо. Мин дә төрлө ярышта үҙемде һынап ҡараным. Бигерәк тә шашка бәйгеһе оҡшаны, был
уйында бүләкле урын да яула-
ным әле. Был көндө матур концерт та булды. Йырлап, бейеп күңел астыҡ. Шулай уҡ туңдырма һәм башҡа тәмлекәстәр менән һый-ландыҡ.

Йәйге каникулым күңелле генә уҙып бара. Яңы уҡыу йылына һаулығымды нығытып, яңы көс менән уҡырға барыуыма шигем юҡ. Тиҫтерҙәремә шуны әйткем килә: каникулды күңелле һәм файҙалы үткәрегеҙ!