+29 °С
Ясно
ял сәғәтендә
19 Апреля 2018, 07:43
Ҡатын-ҡыҙ
Серле йомаҡ, серле йомғаҡ
Серле йомаҡ, серле йомғаҡ –
Ҡатын-ҡыҙҙың күңеле.
Мөлдөрәмә тулы наҙы
Китер кеүек түгелеп.
Көҙгө ҡояштай һағышлы,
Яҙғы ҡояштай шаян.
Йәйге ҡояштай яғымлы –
Был тиклем дә йәм ҡайҙан?
Был тиклем наҙ гөлләмәһен
Хоҙай бүләк итәме?
Ғаләмдән тылсым алырға
Бар теләге етәме?
Теләй икән – ҡояш нурын
Тетеп, иләй ала ул.
Нурҙан бәйләнгән түшәккә
Сабый биләп һала ул.
Шундай ҙур тылсымға эйә
Һөйкөмлө гүзәл затты
Тәңрем бәләнән ҡурсыһын,
Ғүмеркәйен оҙайтһын!
