Туймазы районы халҡы «Атайсал» проекты буйынса мәсет төҙөнө

Ауыл халҡы өсөн әһәмиәтле был ваҡиғала Рәсәйҙең Юғары мөфтөйө Тәлғәт Тажетдин ҡатнашты.

Ҡаран-Бишенде ауылында мәсет элек булған - 19-сы быуатта Уны ауыл кешеһе Мөхәмәтша-мулла төҙөгән. Совет осоронда мәсет бинаһы мәктәп итеп яраҡлаштырыла, ә үткән быуат уртаһында уны һүтәләр.

10 йыл элек ошо ауыл кешеһе Әбүтәлип Мөхәмәтшин яҡташтарына элекке мәсет урынында яңы мәсет төҙөргә тәҡдим итә! Ауылдаштары ризалаша. Шулай итеп, 2014 йылда дөйөм халыҡ аҡсаһына төҙөлөш башлана. Һуңынан ул бер нисә йылға туҡталып ҡала. Төҙөлөш Ҡаран-Бишинделә тыуған Ғәни Ғилаев инициативаһы менән тергеҙелә, ул мәсетте нигеҙенән манараға тиклем күтәреү өсөн байтаҡ аҡса һала. Уның эшен улы Артем Гилаев дауам итә, ул коммуникациялар үткәрә. Һәм бына мәсет әҙер.

Төҙөлөштөң төп инициаторы - «Башнефть-Добыча» ЯСЙ нефть һәм газ сығарыу идаралығының Туймазы нефть һәм газ сығарыу төбәге начальнигы Артем Ғилаев һәм уның ҡатыны Айгөл, улар бер нисә йыл элек балалары менән төньяҡтан тыуған яҡтарына ҡайтҡан. Әйткәндәй, Ғилаевтың ата-бабалары ла Ҡаран-Бишенделә йәшәгән. Хәҙер уларҙың балалары бында йәшәй, тыуған яҡтарында рухи тормош һүнмәһен өсөн тырыша. Шуға күрә мәсеттә балаларҙы һәм өлкәндәрҙе уҡытыу өсөн класс булдырылған.

Тәлғәт Тажетдин Артем Ғилаевҡа граждандарҙы рухи-әхлаҡи тәрбиәләүгә лайыҡлы өлөш индергәне өсөн мосолмандарҙың үҙәк диниә назаратының «Иман һәм намыҫ» орденын тапшырҙы. Үҙәк диниә назараты наградалары менән тағы бер нисә ауыл кешеһе билдәләнде.

- Аллаға ысын күңелдән ышанған кеше ҡайҙа ғына булһа ла доға ҡыла ала. Әммә мәсет кешеләрҙең берҙәмлеген һәм туғанлығын иҫтә тотоуы өсөн дә кәрәк. Бөгөн Ҡаран-Бишенде ауылында ошондай мәсет барлыҡҡа килде, - тине мәсетте асыу тантанаһында Рәсәйҙең Юғары мөфтөйө Тәлғәт Тажетдин.

Башҡортостанда «Атайсал» проекты бер инсә йыл рәттән тормошҡа ашырыла

Белешмә өсөн:

«Атайсал - бәләкәй Ватан» проекты 2021 йылдың 1 мартында старт алды һәм проектты тормошҡа ашырыу осоронда унда 5540 кеше ҡатнашты, 25 140 проект тормошҡа ашырылды. Ошо йылдар эсендә ҡатнашыусыларҙың вәкиллеге киңәйҙе – унда Рәсәйҙең 20 төбәгенән яҡташтарыбыҙ ҡатнаша. Проекттарҙы тормошҡа ашырыуға йүнәлтелгән дөйөм сумма 1,3 миллиард һумдан ашыу тәшкил итте.