Туймазынан 31 йәшлек шәфҡәт туташы контракт төҙөй һәм СВО-ға китә

Альбина - өсөнсө быуын табибы. Уның өләсәһе ғүмер буйы фельдшер булып эшләгән, әсәйе район дауаханаһында туташы булып эшләй.

Альбина Туймазыла клиник-диагностика инфекция үҙәгенең анестезиология һәм реанимация бүлегендә эшләй. Былтыр декабрҙә Оборона министрлығы менән контракт төҙөгәндән һуң үҙ теләге менән СВО-ға китә.

– Был минең ҡарарым булды, - ти ул. Бер кем дә мине өгөтләмәне, һораманы. Унда нимә булғанын үҙем күрҙем, барыһын да аңланым. Был ҡарар, әлбиттә, биш минут эсендә өлгөрмәне. Минең бөтә ғаиләм медицина хеҙмәткәрҙәре. Улар мине барыһын да эшләргә өйрәтте – мин ауырлыҡтарҙан ҡурҡмайым.

Махсус операция башланғас, күп кенә дуҫтарым һәм таныштарым Донбассҡа китте. Уларҙан йыш ҡына унда табиптар, шәфҡәт туташтары етмәүен, хатта бик ауыр яраланмаған яугирҙарҙың ваҡытында ярҙам итә алмауы арҡаһында һәләк булыуын ишеттем. Был хәл иткес мотив булды. Маҡсатлы рәүештә алғы һыҙыҡҡа яҡыныраҡ булырға һораным. Эйе, унда хәүефлерәк, шуға күрә кешеләр һәр ваҡыт кәрәк.

Ул Донецкта Авдеевка йүнәлешендә эшләй, унда әле лә ҡаты алыштар бара.

- Беҙҙә бер ниндәй ҙә график һәм көн режимы юҡ, ул бит дауахана түгел. Теләһә ҡайһы ваҡытта саҡырып алыуҙары мөмкин.

Минең бурысым – яугиҙарға беренсе медицина ярҙамы күрһәтеү һәм дежур машинала госпиталгә оҙатыу.

• Һуғышта ҡатын-ҡыҙға ҡыйыныраҡ...

- Барыһы ла кешегә бәйле. Әгәр ул үҙ илен яҡларға теләй икән, ул быға хоҡуҡлы. Һәм мөһим түгел – ирме ул, әллә ҡатын-ҡыҙмы. Әммә һуғыш кешеләрҙең донъяға ҡарашын, эшкә, ғаиләгә мөнәсәбәтен үҙгәртә. Күп кешеләрҙе ул хатта яҡшыраҡ эшләй. Бында, пулялар һәм снарядтар аҫтында, элек уйлаған, кисергән нәмәләрҙе яңынан күҙ алдына килтерәһең. Нимәлер мөһим түгел.

Рәсәй Оборона Министрлығы менән килешеү төҙөргә теләгән туймазылар Туймазы ҡалаһы, Аксаков урамы, 13 адресы буйынса хәрби комиссариатҡа мөрәжәғәт итә ала, 8-906-373-00-21, 5-10-80 телефондары буйынса шылтырата ала.