Бөгөн Туймазы районы хакимиәте башлығы Айҙар Суфиянов Санкт-Петербург хөкүмәте исеменән Туймазынан Валентина Арефьеваға «Ленинградты фашист блокадаһынан тулыһынса азат итеүҙең 80 йыллығы хөрмәтенә» почет билдәһен тапшырҙы. Валентина Николаевна Туймазыла блокадалы Ленинградта йәшәгән берҙән-бер ҡатын-ҡыҙ, ирекмән.
Айҙар Суфиянов уға һаулыҡ, оҙон ғүмер теләне.
Ленинградты фашист блокадаһынан тулыһынса азат итеүҙең 80 йыллығы 2024 йылдың 27 ғинуарында билдәләнә. Ошо сара хөрмәтенә почет билдәһе Санкт-Петербург хөкүмәте инициативаһы буйынса раҫлана. Уны алыу хоҡуғына «Блокадалы Ленинградта йәшәүсе» билдәһе менән бүләкләнгән кешеләр эйә.