Драма театрында «Тәбиғәт Йәне» Бөтә Рәсәй әҙәби премияһы еңеүселәрен бүләкләү тантанаһы үтте. Муниципаль район башлығы Айҙар Суфиянов ойоштороу комитеты һәм жюри вәкилдәре – Рәсәйҙең төрлө төбәктәренән билдәле яҙыусылар һәм журналистар менән осрашты.
Айҙар Рифғәт улы абруйлы ҡунаҡтарға районыбыҙ тураһында китаптар тапшырҙы.
Ҡунаҡтар үҙҙәренең тәьҫораттары менән уртаҡлашты, туймазыларҙың ҡунаҡсыллығын билдәләне. Ижади кешеләр «Тәбиғәт йәне» Бөтә Рәсәй әҙәби премияһы лауреаттары скверын булдырыу идеяһы менән илһамланды.