Туймазыла иң өлкән фронтовикка 99 йәш тулды

Геройыбыҙ Арыҫланбәктә тыуған, Үрнәк ауылында үҫкән. Ете йыллыҡ мәктәпте, фабрика-завод училищеһын тамамлай, слесар-механикаға уҡый, автомобилдәрҙе ремонтлай. Гәрәев армияға саҡырылғас, уға 19 йәш тулды. 366-сы уҡсылар полкына эләгә - иң ҡыҙыу Сталинград янында хәҙмәт итә.

Еңеү көнөн Көнсығыш Пруссияла ҡаршылаған.

Ике йылдан һуң демобилизациялана.

- Өйгә ҡайтҡас өйләндем, - ти ул.

Фронтовик Кәшифә Хәмиҙулла ҡыҙы менән 70 йылға яҡын йәшәгән.

 Оло йәшенә ҡарамаҫтан, ул оҙаҡ ваҡыт үҙенең Серафимовка ауылында, хеҙмәт йылдары үткән йортта йәшәүҙе өҫтөн күргән. Ветеран Төньяҡта,  «Октябрьскнефть» нефть промыслаһы идаралығында электромонтер булып эшләгән.

Быйыл ҡыҙы Туймазыға күсергә күндерҙе. Фронтовик коронавирус менән сирләп китә, сирҙе еңә.

Ул Еңеүҙең 77 йыллығына көс йыйырға һәм бөйөк байрамды бөтә ил менән билдәләргә вәғәҙә бирҙе.