Тәүгеләрҙән булып ул 99 йәшлек фронтовик, Сталинград һуғышында ҡатнашҡан Рәис Гәрәевҡа килә.
- 1942 йылда мине армияға саҡырҙылар һәм мин пулемет расчеты командирына уҡыу йортона ебәрҙеләр, - тип хәтерләй ветеран. - Һуңынан беҙ Сталинград эргәһенә килеп еттек. Һуғыштарҙың береһендә контузияландым, һәм мин госпиталгә эләктем. Унан сыҡҡас, подразделениебыҙға ҡайттым һәм дошманды Германияға тиклем ҡыуып ебәрҙек. Еңеү тураһындағы хәбәрҙе Көнсығыш Пруссияла ҡаршы алдым.